ഇന്ന് കാണുന്നത്
പതിവിലും നേരത്തെ അവനിന്നുണര്ന്നിരുന്നു....ഓഫീസില് പോവാനിനിയും സമയമുണ്ട്.പത്രമെടുത്ത് വായിച്ചേക്കാമെന്ന് കരുതി ഉമ്മറത്തെ ചാരുകസേരയിലിരുന്നു.സാധാരണ രാത്രിയിരുന്നാണ് പത്രം വായിക്കാറുള്ളത്. അവന് പത്രത്താളുകള് മറിച്ചു കൊണ്ടിരുന്നു. ഓരോ പേജിലും കാണാന് കഴിഞ്ഞത് കൊലപാതകങ്ങളും,രാഷ്ട്രീയ അരാജകത്വങ്ങളും നിറഞ്ഞ വാര്ത്തകളായിരുന്നു!. മനസ്സ് കലങ്ങി മറിഞ്ഞു.
പത്രം ചുരുട്ടി കസേരയില് വെച്ചവന് മനം കുളിര്പ്പിക്കുന്ന വല്ല പരിപാടിയും കാണാമെന്ന ധാരണയില് ടെലിവിഷന് ഓണ് ചെയ്തു.ചാനലുകള് ഒന്നൊന്നായി മാറ്റിനോക്കിയിട്ടും, മാധ്യമ കച്ചവടത്തിന്റെ ചൂടേറിയ ആള്മാറാട്ടങ്ങളും,പേക്കൂത്തുകളും മാത്രമേ അവനു കാണാന് കഴിഞ്ഞുള്ളു.........!
ഭ്രാന്തമായ ഈ ലോകത്തെ ശപിച്ചുകൊണ്ട്, ശ്രവ്യ സുന്ദരമായ അനശ്വര ഗാനങ്ങളുടെ മാധുര്യം നുണയാന് തൊട്ടടുത്തിരുന്ന റേഡിയോ ഓണ് ചെയ്തു. അതില് നിന്നുയര്ന്നു വന്ന ശബ്ദകോലാഹലം ട്രാഫിക്കില് കുരുങ്ങിയ വണ്ടികളുടെ ഇരമ്പല് പോലവന് തോന്നി.....!
അവന് നേരെ നടന്ന് തൊടിയിലെ മാമരത്തിന്റെ ചുവട്ടിലിരുന്നു.തളിര്ത്തുല്ലസിച്ചിരുന്ന മലരുകളും, മരക്കൊമ്പിലിരുന്ന് പാടുന്ന കിളികളെയും കണ്ടവന്റെ മനസ്സില് വസന്തം വിടരുകയായിരുന്നു.................
-------സുമീര് സി കെ
No comments:
Post a Comment