തന്റേടി.......
തന്റേടി.......
കല്ല്യാണാലോചനകള് നടന്നു കൊണ്ടിരിക്കെ അവന് തീരുമാനിച്ചുണ്ടായിരുന്നു
തന്റേടമുളള ഒരു പെണ്ണിനെത്തന്നെ മതിയെന്ന്..അതിനു പിന്നിലെ കാരണം
വേറൊന്നുമല്ല..........!
എന്നെങ്കിലുമൊരിക്കല് തനിക്കെന്തെങ്കിലും
സംഭവിച്ചു പോയാല് ഈ സമൂഹത്തില് തന്റെ കുട്ടികള് പിഴച്ചു വളര്ന്നു
കൂടാ...കുട്ടികളെ ശാസിക്കാനും,നേര്വഴിക്കു നയിക്കാനും അവള്ക്ക് കഴിയണം...
ചുറ്റുവട്ടത്തു നിന്നുമുള്ള നോട്ടങ്ങള്,
കൂര്ത്ത ശരങ്ങളായി അവളുടെ മാറിനെ പിളര്ത്താന് പാടില്ല....അങ്ങനെ വരുന്ന
ശരങ്ങളെ കണ്ണിലെ രോഷാഗ്നി കൊണ്ടവള്ക്ക് പുകച്ചു കളയാന്
സാധിക്കണം.....
നിതാന്ത പരിശ്രമത്തിനൊടുവില് അവളവന്റെ ജീവിത സഖിയായി.
മണിയറയിലെ മുല്ലപ്പൂക്കളുടെ പൊട്ടിച്ചിരി നിലയ്ക്കുന്നതിന്
മുന്പേ,മട്ടുപ്പാവിലിരുന്ന ഉമ്മയുടെ പുഞ്ചിരി നിലച്ചത് ഒരാഴ്ച കൊണ്ടവന്
ബോധ്യമായി.
ഒടുവില്, തന്റെ രണ്ടു കുരുന്നുകളെയും തനിച്ചാക്കി
വേറൊരുത്തന്റെ കൂടെ പോയപ്പോളാണ് അവളിത്രയും തന്റേടിയാണെന്ന് അവന്
മനസ്സിലായത്.......
----------സുമീര് സി കെ
No comments:
Post a Comment