വിരഹം..
വിരഹം..
അവസാനത്തെ യാത്രയായിരുന്നു.........!.
അവനും അവളും മണല്‍ത്തീരത്ത് കൈകോര്‍ത്തിരുന്നു.കടല്‍കാറ്റ് അവരുടെ കാതില്‍ ഒരു വിരഹഗാനം പാടിയകന്നു.അവനവളുടെ മുഖത്തേക്ക് നോക്കി.
മിഴികളിലെ അഗാധതയില്‍ നിന്നുയര്‍ന്നു വരുന്ന മിഴിനീര്‍ ,തിരമാലകള്‍ പോലെ,
കണ്‍പോളകളുടെ ഉള്‍ക്കെട്ട് തകര്‍ത്ത് നേരെ കവിളുകളിലേക്ക്.......
“എന്തേ,രാജീ.......... അവന്‍റെ ചോദ്യമുയരുന്നതിനു മുന്‍പേ അവളവന്‍റെ നെഞ്ചിലേക്ക് ചാഞ്ഞിരുന്നു.
“ രണ്ടു കൊല്ല്വല്ലേ, രണ്ടീസം പോലെ കടന്നു പോവും.....വിദൂരതയിലാണെങ്കിലും മനസ്സും,നിമിഷങ്ങളും നിന്നോടൊപ്പമുണ്ടാവും...”
നാളെ രാത്രി താന്‍ വീണ്ടും തിരിച്ചു പോവുകയാണ് മണലാരണ്യത്തിലെ തീച്ചൂളയിലേക്ക്....ലീവ് തീര്‍ന്നിരിക്കുന്നു..രാജിയാണെങ്കില്‍ മാതൃത്വത്തിന്‍റെ സ്വപ്നവും പേറി നാലുമാസം തികഞ്ഞു നില്ക്കു കയുമാണ്..
“ നിന്‍റെ വിരഹം അസാധ്യമാണ് സുധി..”.അവളുടെ അധരങ്ങള്‍ വിറച്ചിരുന്നു.
മണല്‍ത്തരികളില്‍ നിന്നുമുയര്‍ന്നു വന്ന ചുടു നിശ്വാസമായിരിക്കാം
തീരത്തേക്കു വന്ന നനവിനെ ആര്‍ത്തിയോടെ കുടിച്ചു വറ്റിച്ചത്....ഒരുപാട് നേരം
അവരങ്ങനെയിരുന്നു..അവളെ തന്നിലേക്കു ഒന്നൂടി ചേര്‍ത്തിരുത്തി,കടലിന്‍റെ
അനന്തതകള്‍ക്കപ്പുറത്തേക്കവന്‍ നോക്കിയിരുന്നു.................!
................ സുമീര്‍ സി കെ....................................
Kaanaan oru look illaane ulloo le..?
ReplyDeleteadipoli.keep it up
ReplyDeleteby
hafsathsulaiman.blogspot.in